يا جار شوف تحولت جنتك نار

يا جار وين اشواقنا اليوم يا جار يا جار وين الود وين المحبين يا جار شوف تحولت جنتك نار وتبدلت الاسرار حين بعد حين هنا لوقفات الجفا باقي اثار هنا لعبنا باالاتاري وبالدين هنا تجاهلنا خفايات الاسرار تقول لي تجفى وانا اقول تجفين كانت تجافيني على كل مشوار كانت تقول انت البصر داعج العين كانت تحذرني وتخفي من الدار وتقول سر الود يدري به أثنين بدا الوفى غرسه وزاد الهوى اشجار اثمر وشفنا جنة الخوخ والتين ولا خسرنا ما تخفيه الاقدار واللي مضى من قبلهم للملايين اهتد بيت الود وانهد وانهار وأمسى غباره صاير كنه طحين يا جار ما عينت مثلك ولا جار اللي ربابك شاقني كامل لزين لاحت هبوب الريح منهم بتكرار اعوي عوي ذيبان والناس ممسين والا ذكرته شب في خافقي نار أنا ادري ان اهل المحبة مجافين أنثر دموعي لأجلهم مثل الامطار اضحك واسوي ما يسوي المجافين